endlich, Durstbekämpfung kann beginnen

Wenn ik kam na Lübeck rin, Ward so mollig mi to Sinn,
Denn dor wahnt de Stecknitzfohrer in ehrer ort, De se brav und treu bewohrt.
Kringelhöch ward fiert na traditoneller ort . Dat is Stecknitzfohrers Wark;
Weisheit hätt mit Kraft sick poort, Dat ligt an ehr Schippers ort.
Börgerfliet un egen Kraft, Hätt seh to Ehr un Ansehn schafft.

Vör 650 und noch etlichen Johren -  Ik bün mi doröwer in kloren - Dor wören in Lübeck Geschlechter to gang, De liebig und dächtig und gornich bang. Dat wör de Stecknitzfohrer Gill, bi ehr herscht nur de ene Will, ton sailen und treideln up und dal. Deen neegebuten Stecknitzkanal. De enen nennten sick Fehling und Westfehling,  Se rakerten för ehr paar Dreling. Ehr Heimat wöhr ursprünglich Westfahlen, Doch wör dor bülütten nichts mehr watt to halen.  Da trekten se üm nah uns Waterkant, Und nehmen den´n kramm so recht in de Hand. De Stallbohms und Hemanns, de Stühff´s, de Bruhns und de Haasen
De deten in´t  sülwige Horn bald blasen. Und enn von de Timm´s, dat is dat Best,
is mit Kolumbus nach Amerika west, und wenn Du hüt mol denn olen Timm sühßt,
Denn nenn em Kolumbus, sallt sehn, he grüßt. So föhrten se all ehr Scheppen hin und her
Und bröchten de Gill bald to hohe Ehr. Und köm denn de Winter mit Is und mit Küll,
Dann güngen de Schippers nich üver den Süll. Man blot mal mit ünner, wenn gode Frünn
Sick im Amtshus bim stiefen Grog infünn. Denn gev dat ok en lustig Palaver, denn bi dat Getränk, stickt en oft de Hafer. Und jedet Johr im Januar, denn hallen de Stecknitzfohrer ehr Böker vör. Und nadem wen all in Ordnung wör, Dann ging dat los mit de Kringelhög.
Dor kämen de Gäst vun nah und fern, Denn Kringelhög fiern deit jeder gern,
En jeder spendier sin Fretpaket;   De Schaffers wetten vun all´ns Besched.
Und dann wart schmaust un dat na Noten, Manch enner leckt sich heemlich de poten.
De ganze Tafel wer üverladen, Mit Gulasch, Isbehn, Hackfleesch un Braden.
De Zinnern Kröss mit Brunbeer füllt, Hät männig Enn denn Döss ok stillt.
Und wöhr denn Magen dat sehr genehm, geewt ok dorto enn goden  Köm.
-Ik trink di to Johann – Dat do –  Ick mach nich mehr – lang mi mol her –
So geiht de Krog vun Mund to Mund, Und mokt in enenfort de Rund.
Dann kamt de Piepen un de Grog, is dat to warm, treck ut den Rock. Und strahlt nun op den Tisch de Lichter, Süht man nur fröhliche Gesichter. Un wenn dat Fröhstück nun laten,
Dann geiht dat dörch de ollen Straten, Un wo de Kaffeekann deit winken, Enen finen Mocca noch to drinken.  De Schipperfrugens, vull in Staat,  sind för de Gäest all längst parat.
Und enen Korv dörf man nich gewen, Denn sünnsten kann man wat belewen.